2020-06-20 17:11:20
Drwiwy & Santa Espina – Nieviadomaje X
All music recorded by Drwiwy (Арцём Вілейта ) & Santa Espina in 2016
Mixing & mastering – Серёжа Цуранков
Artwork - Joseba Agirrezabalaga “ALTXAPORRU” (2015) @josebaaz
Учора на паўднёва-каліфарнійскім лэйбле The Daft Alliance (instagram @thedaftalliance) пабачыла свет мая супольная праца з французскім праектам Santa Espina. Кампазіцыя трапіла на кампіляцыю The Plague Hymns - Part 3, якая неўзабаве выйдзе на касетных носьбітах і будзе дасяжная да замовы.
Santa Espina – назавем гэтага чалавека “J.” – гэта першая літара яе імя – праект з Францыі.
Выпадкова ці не, але ў 2016 мы вырашылі запісаць матэр’ял разам. Упершыню я сутыкнуўся з працамі Santa Espina на калабаратыўных плытках з Nový Svět (там яна выступае пад імём Susa24). J. таксама ўдзельнічае ў праектах TV Zombies і Club Life.
На той час я працаваў над кампазіцыямі, якія не прадугледжвалі маёй вакальнай прысутнасці (але мінімальна яна там урэшце з’явілася) і даслаў 10 трэкаў J., каб яна дадала туды голас і музыку на свой густ. J. мае своеасаблівую вакальную манеру ды музычны складнік таксама вельмі адрозны ад таго, што ёсць на сучанай электроннай “leftfield” сцэне.
Кампазіцыі на нашай будучай плытцы вандруюць па некаторых “невядомых” кутках бессэнсоўнасці, смерці, жыцця, хваробы і пакутаў. Прынамсі для нас абодвух на той час гэта былі вельмі актуальныя тэмы. Праца была з вялікім разуменнем таго што стваралася, хоць мы і ніколі не бачыліся жыўцом і не маем уяўлення, як выглядаем.
Кампазіцыя аздобленая працай “ALTXAPORRU” (2015) з ласкавай згоды мастака Joseba Agirrezabalaga з Краіны Баскаў. “Altxaporru” is an expression of encouragement in Basque. The literal translation would be 'raise the leek'.
Уся кампіляцыя па спасылцы - можна замовіць, можна спампаваць, можна зрабіць рэпост.
81 views14:11
D
