2022-12-21 09:56:29
НАЙЛЕПШЫ ГАТУНАК – “ЛАСУНАК”!
І зноўку прыгадваю год 2018-ы…
Тады ў апошні тыдзень жніўня мы ўжо зладзілі дакопкі. Ур-р-р-ра! Як адзначыла адна з маіх сябровак-каляжанак, падзея – важная ў жыцці сялян і дачнікаў! Так, нашы продкі заўсёды святкавалі дакопкі.
Ды і ў нас раней яны адзначаліся даволі весела. Але тады бульбай былі занятыя практычна цэлыя ўчасткі – 6 сотак. Практыкавалася талака, нават калі разам збіраліся ўсяго дзве сям'і.
А зараз з кожным годам плошчу пад бульбу стараемся змяншаць, бо ўжо не патрабуецца столькі. І ўсё ж пасля апошняй выкапанай бульбіны вокліч "Урр-р-р-р-а-а!" так і рвецца на волю!
Ну што сказаць пра гэты сельскагаспадарчы год і ўраджай... Жыць будзем! Нават вельмі дзіўна, што пасля цэлага месяца залеваў, калі ў бульбяных барознах проста стаяла вада, ураджай не вымак.
Праўда, падвёў адзін з любімых гатункаў – нямецкай селекцыі. Гэтую бульбу некалькі гадоў таму "падганаў" нам знаёмы. Вельмі падабаецца і ўраджайнасць, і выгляд, а галоўнае – смак.
(Працяг будзе)
19 views06:56