Чалы LIVE #28 (30 кастрычніка 2021) 1. Такое ўражанне, што ўв | ЧСВ на пальцах

Чалы LIVE #28 (30 кастрычніка 2021)

1. Такое ўражанне, што ўвесь Менск у Варшаве. Беларускаму бізнэсу цяжка стартаваць за мяжой бо недахоп сацыяльнага капіталу. Захад задаволены. што Ціханоўская падтрымлівае рэформы ў Беларусі і праграмы дапамогі РБ ад Захаду. А пакуль - грошы на падтрымку рэформаў могуць быць накіраваны ў Украіну, Грузію - і дапамагчы ў тым ліку беларусам замежжа. Ёсць прапанова аднабакова лібералізаваць гандаль паслугамі з ЕС (бо ён амаль выключна прыватны)

2. Калі ўлада зменіцца, то ў Беларусі будзе шмат танных грошаў з Захаду, не толькі міжнародных інстытутаў, а і прыватнага бізнесу. У 1994-1995 быў вялікі інтарэс інвестараў да РБ, бо прайшлі першыя дэмакратычныя выбары, і так жа будзе адразу пасля АГЛ.

3. Штаб Ціханоўскай доўга не хацеў даваць інтэрв’ю Венедыктаву, хаця ён шмат разоў прасіў. Паказальна, што ботаў-каментатараў не было, значыць Крамлю было істотна паглядзець на грамадскую думку на гэты конт.

4. Ціханоўская не сказала Венедыктаву нічога новага, але гэта і добра. Гісторыя Беларусі паказвае, што чалавека, які вельмі хоча ўлады, выбіраць небяспечна. Але ў нас можа быць унікальная магчымасць - калі ва ўладзе часова стане чалавек, які ўлады не хацеў.

5. Пуціну істотна ведаць,- які матыў у Ціханоўскай, ці ёсць матыву помсты і ці ёсць адданасць легальнаму трэку. Бо Пуцін не зможа падтрымаць кандыдата "вуліцы".

6. АГЛ хоча размаўляць з Папай Рымскім ці мінімум Байдэнам, а вось Ціханоўская хоча размаўляць з людзьмі з улады АГЛ на перамовах. А там мала рэальных лукашыстаў. ЧСВ пасылае сігнал чыноўнікам "отречение не есть предательство".

7.Крэмль намагаецца знайсці механізм перамоў аб перадачы ўлады ў Беларусі. "Хросныя бацькі" былі, калі было трэба, каб АГЛ падпісаў дамову аб Мытнам Саюзе. ЧСВ ставіць, што нічога істотнага 4 лістапада не будзе падпісана, і пойдзе пагаршэнне адносінаў паміж РБ і РФ.

8. Дылеўскі кансультаваўся з Санікавым і Балкунцом, стачка непадрыхтавана, НАУ і Ціханоўская правы.

9. Адзін вядомы палітычны аналітык напісаў пост абсалютна па лякалах маніпулятарных прапагандысцкіх мэсаджаў. Па-першае, "вы можаце мяне не чытаць, але...". Другое: "гэта можа і дзіка але 2х2=4 нават калі гэта кажа БТ". Абсалютна так жа робіць і прапаганда. Плюс хаця Ціханоўская не пры чым, чамусьці па ітогу вывад пра тое, што Ціханоўская губляе аўтарытэт. І чамусьці ён не вініць Саннікава і іншых.

10. У аналітыка яўна нешта персанальнае супраць Ціханоўскай, бо называў яе не палітыкам, і пісаў, што яе сустрэчы з заходнімі палітыкамі чыста дэкаратыўныя. Ён трапіў у сітуацыю, калі ён памыляўся, і цяпер чапляецца да Ціханоўскай. Чаму не да Саннікава? Да Саннікава ж чапляўся - калі Саннікаў знішчыў сваю кар’еру праз фота катлет.

11. Наогул у пасце няма нічога аналітычнага, і хай гэты аналітык не распавядае, што ён не псіхатэрапеўт. Ён робіць cherry picking аргументаў, як і тыя, хто потым прайграе на фондавых рынках. У донараў няма дэдлайнаў, таму хай канспіратыўныя тэорыі свае не прасоўвае. ЧСВ нікога не абвінавачвае. І гэты аналітык трапіў на жоўтыя слівы. Хочацца задаць пытанне "на каго працуеш?", але ЧСВ не будзе.

12. Дылеўскі не вораг і не неразумны. ЧСВ верыць, што працоўны рух у РБ магчыма стаміўся і хоча ўзарваць сітуацыю. Як гэта рабіў Міхаіл Таль у шахматах супраць пазіцыйна моцных гульцоў. А можа аналітык і мае рацыю, ну так бывае і прапаганда мае рацыю. Але версія ЧСВ тлумачыць факты без дагадак.

13. Не трэба недаацэньваць эмоцыі, з-за эмоцый АГЛ пасадзіў самалёт. І гэта не памылка, гэта вымушаная памылка. На ініцыятыву стачкі будзе оверрэакцыя з боку АГЛ, а такое яму на карысць не ідзе.

14. Шэйман у жніўні сказаў АГЛ праўду, якія дрэнныя ў яго справы. Апошні час у АГЛ гэта серыя траўмаў (дакладней, адна і тая ж траўма, якая пастаянна паўтараецца) - яго памылковая рэакцыя на каранавірус, потым выбары і так далей. АГЛ змагаецца за тое каб выжыць. Яго траўма працягвае паўтарацца. І ў гэтым уплыў сіл дабра на АГЛ - правакаваць яго, паўтараць яго траўму яшчэ і яшчэ.

15. Сульшэр у МЮ зрабіў шмат добрага, але сітуацыя яго перарасла, трэба сыходзіць.