Прадстаўнік BYPOL: «Патрэбна салідарнасць усяго народа»Напярэдадні Дня салідарнасці з беларускімі палітвязнямі былы супрацоўнік крымінальнага вышуку Мазырскага РАУС, а цяперака – дзейны супрацоўнік BYPOL Уладзімір Жыгар адказаў на пытанні Радыё Рацыя.
Галоўнае з інтэрв’ю:
пра рэпрэсіі:– Усе пра гэта павінны гаварыць. Чалавек, які на віду, нешта кепскае з ім рабіць, гэта праблема для рэжыму. Усё цывілізаванае грамадства ў свеце павінна прыцягваць увагу да гэтай праблемы. І чым больш мы будзем гаварыць пра палітвязняў, тым менш магчымасці ў рэжыма штосьці з гэтымі людзьмі зрабіць.
пра гандаль палітвязнямі:– Гандляваць людзьмі нельга. Час гэтага мінуў. Вызваліўшыся з калоніі, за табой зноў назіраюць і кантралююць, і не факт, што дазволяць выехаць з краіны. І ў любы момант чалавека могуць пасадзіць зноў.
пра ўдзел BYPOL у падтрыхтоўцы і правядзенні акцыяў салідарнасці:
– Мы хочам хоць неяк дапамагчы людзям, хоць нечым. Паказаць, што нам не ўсё роўна, што мы салідарныя з беларусамі, якія незаконна знаходзяцца ў турмах.
Паслухаць інтэрв’ю цалкам можна на старонцы Радыё Рацыя
Жыве Беларусь!
