Глядзіце, якога драпежніка заўважылі ў Беларусі Белагаловы сі | Белсат

Глядзіце, якога драпежніка заўважылі ў Беларусі

Белагаловы сіп – рэдкая птушка ў нашых мясцінах. Яго заўважылі 7 чэрвеня ў вёсцы Выхадцы Лёзненскага раёну. Апошні раз сіпа бачылі на Віцебшчыне ажно ў 2016-м годзе.

Гэтым разам галодны драпежнік цягам некалькіх дзён паеў буслянят у некалькіх гнёздах у навакольных вёсках.

Жыхары нават спрабавалі адпудзіць драпежніка стрэламі з драбавіка. Забіваць драпежных птушак нельга – яны пад аховай закона. Грашовае пакаранне за забойства сіпа – вельмі істотнае.

Знаўцы адзначаюць, што белагаловы сіп – вельмі моцная птушка, размах крылаў – амаль тры метры. Харчуецца падлінай і можа забіваць аслабленых жывёлінаў.