«Будучыня згарэла. Яе спаліла расейская дзяржава». Мастак Error правёў акцыю да Дня Расеі
«З самага пачатку вайны ва Украіне мне як мастаку трэба было знайсці дакладныя візуальныя выявы трагедыі. Вядома, галоўныя і самыя жудасныя вобразы былі перад вачыма: Буча, Ірпінь, бамбаванне радзільні, знішчэнне Марыупалю, штурм Азоўсталі. Боль украінцаў невыносны. Мне, як рускаму чалавеку, расейцу, ніколі гэтага да канца не зразумець. І ніколі не загладзіць. Акрамя шкадавання і смутку мне хацелася выказаць квінтэсенцыю гэтай трагедыі для Расеі. І выказаць гэта візуальна. Здаецца, гэта яно», – распавёў мастак.
Іншы расейскі мастак Philippenzo да Дня Расеі зрабіў у Маскве сваю новую працу – «Изроссилование»
«Тое, што сёння робіць гэтая краіна, іншым словам назваць не атрымліваецца», – напісаў творца. «Изроссилование» зафарбавалі ўжо праз некалькі гадзінаў.
На мастака складзена ўжо некалькі пратаколаў за «дыскрэдытацыю расейскай арміі».
