Рух Большасці запусціў
Тыдзень падтрымкі палітвязняў. Далучайцеся да важнай справы!
1-7 жніўня ўдзельнікі праекта КР Рух Большасці будуць штодзённа выконваць заданні на карысць палітвязням і іх сем’ям. Каб узяць удзел у мерапрыемстве неабходна далучыцца да РухБота, калі вы гэтага яшчэ не зрабілі @CoordinationCouncilBot. Там вы даведаецеся пра
розныя спосабы падтрымкі палітвязняў і зможаце паспрабаваць кожны з іх. На працягу тыдня вы будзеце атрымоўваць пакрокавыя інструкцыі, як дапамагчы людзям, якія сядзяць ці адсядзелі за нашу свабоду.
Марафон ладзіцца ў двух накірунках – для беларусаў у Беларусі і для беларусаў за мяжой. У нядзелю ўсе ўдзельнікі Тыдня, незалежна ад колькасці выкананых заданняў, змогуць далучыцца да розыгрышу адмысловых тэматычных шопераў з дызайнам ад politzek.me.
Давайце разам зладзім агульны інтэнсіў дапамогі, каб людзі за кратамі адчулі, што ўсё не дарма.Распавядзіце пра гэтую падзею вашым знаёмым і ў закрытых чатах. Больш людзей у тэме – больш падтрымкі тым, каму яна зараз вельмі патрэбна
