Творчы вечар да 140-годдзя з дня нараджэння Народнага паэта Беларусі Янкі Купалы7 ліпеня 2022 года а 19.00 на галоўнай сцэне Нацыянальнага акадэмічнага тэатра імя Янкі Купалы адбудзецца творчы вечар, прысвечаны 140-годдзю з дня нараджэння Народнага паэта Беларусі Янкі Купалы.
Творчы вечар будзе складацца з дзвюх частак. У першай частцы гледачоў чакае творчы падарунак ад калектыву тэатра, а ў другой будзе паказаны літаратурна-музычны спектакль «Сніўся мне сон...».
Рэжысёр Данііл Філіповіч глыбока прасякнуўся творамі беларускай паэтэсы Канстанцыі Буйло і на іх аснове стварыў фантазію. Назва гэтага "літаратурна-музычнага сна" ўзята з аўтабіяграфічнага верша, напісанага ёю ў 1914 годзе.
Лірычныя творы паэтэсы будуць перагукацца з класічнай музыкай у выкананні аркестра тэатра, каб можна было цалкам пранікнуцца атмасферай вечара.
