Невядомая Беларусь

2022-10-06 09:54:56 г. Наваградак, Гарадзенская вобл., Рэспубліка Беларусь.
53.597362, 25.824562

Касьцёл сьв. Міхала Арханёла ордэна дамініканцаў у Наваградку - яшчэ адзін найкаштоўнейшы аб'ект культуры й архітэктуры Беларусі.

Касьцёл мае багатую гісторыю:
Заснаваны ў 1624г. з дрэва, мураваны касьцёл у стыле барока быў пабудаваны да 1724г. на тым жа месцы;
У кляштары (здымак 6) пры касьцёле дзейнічала школа, у якой вывучаўся Адам Міцкевіч.
Зноў пажар у 1751г., але касьцёл хутка аднавілі. У 1831г. зноў гарэў і пасьля рэстаўрацыі зьмяніў стыль: дадаліся рысы клясыцызму.
У 1853г. скасаваўся, зноў перабудаваўся й адчыніўся ў 1858г. як прыходзкі.
У 1990-ыя быў адрэстаўраваны. Адкрыць / каментаваць

2022-10-05 15:22:55 г. Бабруйск, Магілёўская вобл., Рэспубліка Беларусь.
53.139360, 29.221507

«Калі б у Бабруйску больш не было б славутасьцяў, я б усё адно прыехала б у Бабруйск» - вось так я ахарактарызую Дом купчыхі Кацэнельсон (Кацнельсон; у некоторых крыніцах адрозьніваецца прозьвішча).

Ходзіць паданьне, што вядомай заможнай бабруйскай купчыхі так палюбіўся дом, які яна сустрэла ў краінах Балтыцы, што яна не пашкадавала грошаў на ягоны "пераезд". Так гэта было ці дом быў проста ўзведзены па "вобразу й падобію", але ж факт застаецца фактам: у 1912г будынак стаяў на вуліцах Бабруйску.

Амаль адразу купчыха перадала будынак паліцыі, а сама зьехала ў Санкт-Пецярбург. Неўзабаве найдыйшла акупацыя, а пасьля вызваленьня ад гнёту фашыстаў - у 1918г. - у будынку дзейнічаў Бабруйскі рэвалюцыйны камітэт.

У мірны час у будынку адкрылася бібліятэка, але ж у 2014г. вымушана была пераехаць, а будынак закрылі на рамонт.
Зараз у будынку працуе рэклямнае агенцтва "Престиж". Адкрыць / каментаваць

2022-10-03 10:58:12 Важнае пытаньне, што да маіх вандровак

Напэўна, хтось заўважыў, што ў мяне нябыта зьмяніўся фармат: я прыпыніла ездзіць па занядбанкам у лесе, а гарады сталі мільгаціць у разы часьцей.

Не магу цалкам пагадзіцца, што гэта так, але ж і запярэчваць ня стану. З надыходам халадоў я адчуваю небясьпеку без машыны недзе ў адзіноце ў глухім лесе ці на пустой дарозе.

Тым сьнежнем бліз в. Галаўцы я сустрэла воўка, таму мае страхі не такія ўжо й безгрунтоўныя. І калі яшчэ год таму я здольная была на рызык, то цяпер я ўпэўненая, што мне ёсьць, што страчваць.

Таму на перыяд халадоў мае вандроўкі сапраўды будуць толькі па насельніцкім пунктам (да прыкладу Іўе, Ліда й гд), багатым на славутасьці. А як толькі добра пацяплее й жывёлы стануць не такімі актыўнымі й небясьпечнымі, я зноўку сяду на ровар і пакачу, куды вочы глядзяць.

Дзякую за ўвагу Адкрыць / каментаваць

2022-10-03 09:36:05 Але ж якім бы зялёным і ўтульным ня быў горад, сучаснасьць ягоная мае й тлустыя мінусы:
Мілым габрэйскім будыначкам катастрафічна патрабуецца рэстаўрацыя - стан архітэктурнай спадчыны вельмі сумны;
Акрамя ўжо дрэнна-звычнай рэклямы й шыльд (кшталту здымкаў 7,9) горад уразіў вулічным гандлем (здымак 8). Як на шляху да рынку па цудоўнай пехаходнай частцы вуліцы Дзяржынскага, так і прам насупраць славутага дворыка Порт-Артура...
І хаця ў горадзе маюцца зьезды з ходнікаў, трэба адзначыць, што на пераходах проста жахлівы стан дарог: вада копіцца прам там, дзе трэба ступаць, таму ў даждлівае надвор'е ўсе пераўтвараюцца ў кенгуру. І, можа, я так бы й не зьвярнула на тое ўвагі, але ж бача рэзанула сітуацыя з жанчынай на кастылях, якая намагалася перайсьці дарогу, але ж вымушана была шаркаць па лужынам.

Варта ехаць у Бабруйск упершыню? Так.
Ці паеду туды яшчэ раз, ведаючы, што нічога з маіх заўваг ня выправілі? Наўрад ці. Адкрыць / каментаваць

2022-10-03 09:32:48 г.Бабруйск, Магілёўская вобл., Рэспубліка Беларусь.

У гэты шэры й мокры дзень адкрыла для сябе Магілёўскую вобласьць з пылаючага восеньскімі фарбамі Бабруйска.

Першыя ўражаньні былі такімі ж яскравымі, як і безьліч каштанаў і ліп, пад кронамі якіх скрозь шолах лісьця шпацыравалі мы 7 з паловай гадзін.

Магу сказаць, што гэты горад можна лічыць годным, бо:
Божа, колькі ж там дрэваў, кустоў, травы! Гэта, напэўна, самы зялёны горад, які мне даводзілася бачыць! Я павізгівала ад шчасьця каля кожнага залёнага плота ўздоўж дарогі;
Захванасьць архітэктурнай частцы можна, напэўна, параўнаць з Гародняй;
Ёсьць кавярні, бары й рэстараны, якія прыемна завітаць (прынамсі, кафе-рэстаран @histoire_bobruisk - месца, дзе прыемна адпачыць пасьля шпацыру (на жаль, там дазволена паліць унутры, таму трэба гэта ўлічваць);
Шмат сквераў, паркаў і алей, ёсьць тралейбусы (экалягічны транспарт), зьезды пад каляскі й ровары, цікавыя муралы.

Адкрыць / каментаваць