Арт Сядзіба

2021-12-25 15:56:11 Арт Сядзібе 10 гадоў і на гэтым усё?

Праўда, на гэтым усё!
Па прычыне таго, што мы знаходзімся ў стадыі ліквідацыі, а яшчэ неўзабаве прымуць закон аб адказнасці за дзейнасць арганізацый, якія ліквідаваныя, мы прынялі рашэнне не працягваць дзейнасць.
Дзякуем усім, хто быў з намі ўсе гэтыя гады.

Мы вас любім!
#artsiadziba10hod Адкрыць / каментаваць

2021-11-30 21:21:53 #artsiadziba10hod

2016 год, «Арт Сядзіба» выпускае настолкі па-беларуску. У свет з'яўляюцца гульня ў асацыяцыі «КАЗАЧНІК», а таксама эканамічныя гульня «БАГАЧ».
Гульня «БАГАЧ» звязана з беларускай гісторыяй. Падзеі адбываюцца ў пачатку ХІХ ст. у Менску, які падчас гульні становіцца сталіцай Вялікага княства Літоўскага. Мясцовыя жыхары вядуць эканамічную барацьбу за лепшыя часткі горада. Вы ў гульні – малады магнат, ад вас залежыць, на якой з вуліц першымі паўстануць прыбытковыя дамы і гатэлі. Адкрыць / каментаваць

2021-11-30 12:54:56 На гэтым тыдні праходзіць беларуска-яўрэйскі фестываль, у межах якога з’явіліся беларускамоўныя стыкеры.

Поўная праграма фэста: https://belarusianjewish.com/ Адкрыць / каментаваць

2021-11-29 13:15:37 #artsiadziba10hod

У 2016-2017 годзе «Арт Сядзіба» і Федэрацыя футбола Беларусі правялі праект «Мова — Музыка — Футбол». Некалькі месяцаў цягнуўся творчы конкурс з песнямі, якія падымаюць патрыятычны дух на спартовых спаборніцтвах, пасля выйшаў альбом з песнямі беларускіх музыкаў пра футбол. Вынікам праекта стаў фінал творчага конкурса на стадыёне ў Гародні. Пераможцам конкурса, гурту Laurynienka быў зняты кліп на «Гэй, малады!»:

Адкрыць / каментаваць

2021-11-26 11:17:41 Гурт :B:N: прэзентуе новую песню і анімацыйны кліп пра надзею, што ўсё будзе добра:



Маякі застаюцца святлом апошняму дню,
Бачу тваю руку, але не ведаю дзе я,
Зоркі запалены тымі, каго люблю,
І праз сусветны холад яны нас грэюць.

СЛУХАЦЬ ПЕСНЮ: https://music.magnitofon.live/MayakiBN Адкрыць / каментаваць

2021-11-25 18:06:31 #artsiadziba10hod

22 лютага 2015 года «Арт Сядзіба» зладзіла першае вялікае «Свята роднай мовы». Гэта была і музычная сцэна і кірмаш, і гульнятэка, некалькі заляў і амаль тысяча наведвальнікаў. Пасля 2015 года «Арт Сядзіба» пачала традыцыйна святкаваць Дзень роднай мовы канцэртамі і фестывалямі. Самы вялікі фестываль ў 2020 годзе наведала амаль 6 тысяч чалавек. Адкрыць / каментаваць

2021-11-23 14:57:49 #artsiadziba10hod

У 2015 годзе «Арт Сядзіба» паставіла свой першы спектакль «Браніслаў. Сцэны з жыцця ды сноў».
Спектакль прысвечаны Браніславу Тарашкевічу, выдатнаму навукоўцу, беларускаму дзеячу, чалавеку ахвярнаму і адважнаму.

Спектакль быў паказаны 11 разоў, у 2016 займеў цяжкасці з паказамі ў БДУ. Але пасля паказы паспяхова прайшлі ў Вільні, Гомлі, Пружанах і Менску.

13 лістапада 2017 «Браніслаў» адсвяткаваў на сцэне 2 гады. Адкрыць / каментаваць

2021-11-21 20:33:54 #artsiadziba10hod

6 снежня 2014 года «Арт Сядзіба» правяла акцыю #беларускаястужка
У Мінску за адзін дзень было раздадзена 5 кіламетраў стужкі з нацыянальным арнаментам. Акцыя мела шалёны поспех, стужка скончылася ўдзень. Пасля гэтага дня стужкі пачалі прадавацца ва ўсіх гарадах Беларусі.

На фестывалі беларускамоўнай рэкламы Adnak! «Арт Сядзіба» атрымала дыплом з праектам #беларускаястужка Адкрыць / каментаваць

2021-11-18 11:53:32 #artsiadziba10hod

У 2014 годзе «Арт Сядзіба» правяла два «Дні вышыванкі», якія наведала не адна тысяча чалавек. І стала зразумела, што попыт на нацыянальную сімволіку масавы. Вышыванкі і вышымайкі надзелі музычныя зоркі, спартсмены, акторы. Нацыянальныя арнаменты з’явіліся паўсюль: ад шкарпэтак да навагодняй ялінкі на галоўнай плошчы краіны. Вечарыны «Беларусам быць модна» праходзілі ў гламурных клубах сталіцы. Адкрыць / каментаваць

2021-11-15 13:13:36 Нядаўна мы пачалі знаёміць вас з гісторыяй «Арт Сядзібы».
Сёння мы склалі для вас плэйліст з трэкаў, якія слухалі ў 2013-м: Петля, Akute і першы хіт Naviband https://vk.com/siadziba?w=wall-73027848_22048
#artsiadziba10hod Адкрыць / каментаваць

2021-11-13 20:50:55 Сумесна з нашымі сябрамі з «Арт Сядзібы» падрыхтавалі для вас невялікі падарунак

Да канца года на нашых матчах будзем разам слухаць найлепшыя беларускія песні конкурсу «Мова — Музыка — Футбол», які «Арт Сядзіба» праводзіла ў 2017 годзе! Адкрыць / каментаваць

2021-11-12 15:27:02 А вось і інструкцыя Адкрыць / каментаваць

2021-11-12 15:27:02 Мы пачынаем кампанію е-Мова!

Хочаце, каб беларускай мовы ў інтэрнэце было больш? То далучайцеся!

1 крок - беларуская мова на гугл-мапах!

Вы можаце дадаваць назвы месцаў па-беларуску. Палацаў, гандлёвых цэнтраў, лякарняў, кінатэатраў, стадыёнаў - любых месцаў. Для гэтага трэба:
абраць месца націснуць рэдагаваць дадаць беларускую мову і выправіць лацінку (калі ёсць) даслаць выпраўленні. Важна каб беларуская мова стаяла ў наладах гугла.

Дзяліцеся сваімі поспехамі ў сацсетках з хэштэгам #емова. Самыя актыўныя ўдзельнікі кампаніі атрымаюць падарункі! Адкрыць / каментаваць

2021-11-12 11:44:02 #artsiadziba10hod
Наша гісторыя. 2013 год

26 траўня 2013 «Арт Сядзіба» правяла «Сапраўдны беларускі канцэрт» у Re:Public. На канцэрце гурт AMAROKA прадставіў свой альбом «PASTKA», быў прэзентаваны кліп гурта ili_ili. Відэастужка стала пераможцам конкурсу віда-кліпаў «КЛІПзаМОВА», які праводзіўся «Арт Сядзібай» і відэастудыяй «Ideas». Таксама на сцэне зайграў гурт Green Pills. Адкрыць / каментаваць

2021-11-10 14:16:08 Сёння пачынаецца другі Марафон агучвання беларускіх сказаў. Кожны можа далучыцца да яго ў 3 простыя крокі:

Зайсці на сайт donar.by
Пачаць агучваць або праслухоўваць ужо агучаныя сказы.
Можна нават стварыць профіль донара беларускай мовы і атрымаць сертыфікат.

Цягам месяца галасы беларусаў будуць збірацца для адкрытай калекцыі Common Voice, каб удасканаліць механізм распазнавання беларускага маўлення і навучыць кампутары разумець нашу мову. Таксама гэтым разам галасы патрэбныя і для новага праекта say.by — «Мова прафесіі». Удзельнікам прапануецца агучваць заданні для інтэрактыўнага навучання беларускай мове ў розных прафесійных сферах: у абслугоўванні, у кол-цэнтрах, медыцыне, кавярнях, крамах, на запраўках, у IT і нават піваварэнні. Першыя 2 модулі для агучвання — гэта вітанні і ветлівасць, а таксама беларуская фанетыка.
Напрыканцы 300 самых актыўных «донараў беларускай мовы» чакаюць сімвалічныя падарункі ад say.by, а таксама партнёраў марафону агучвання.
Стань донарам беларускай мовы! Адкрыць / каментаваць

2021-11-08 14:59:32 ШТО МЫ СЛУХАЛІ Ў 2011 - 2012 ГОДЗЕ

Нядаўна мы пачалі знаёміць вас з гісторыяй «Арт Сядзібы».
Мы распавялі вам пра старонкі нашай арганізацыі за 2011-2012 год, наперадзе яшчэ 9 гадоў жыцця «Арт Сядзібы». Можна паглядзець ва ўсіх сетках па хэштэгу #artsiadziba10hod

Таксама мы склалі для вас два музычныя плэйлісты тых гадоў:
2011 год: https://vk.com/siadziba?w=wall-73027848_22028
2012 год: https://vk.com/siadziba?w=wall-73027848_22039 Адкрыць / каментаваць

2021-11-08 14:20:19 Працягваем знаёміць вас з нашай гісторыяй #artsiadziba10hod

У лістападзе 2012 года «Арт Сядзіба» выпусціла дакументальны фільм «Мова. Музыка. Маладосць»:



Фільм стаў дакументальнай гісторыяй фармавання, развіцця і жыцця беларускамоўнай музычнай творчасці з цікавымі фактамі і незабыўнымі падзеямі. Адкрыць / каментаваць

2021-11-02 18:33:29 Працягваем знаёміць вас з нашай гісторыяй #artsiadziba10hod

18 траўня 2012 года паўтары сотні чалавек у залатых касцюмах прайшліся ўначы па праспекце Незалежнасці ў Менску, каб сустрэць узыход сонца. Дзіўны натоўп з усмешкамі пад харавыя песні N.R.M. весела прайшоў па пустых і чыстых вуліцах гораду. Так знакаміты польскі мастак Павел Альтхамер, які славіцца перформансамі ў розных краінах свету, разам з «Арт Сядзібай» зладзіў у Менску арт-акцыю «Прамень сонца». Перад гэтым у сталічным клубе ўсю ноч выступалі N.R.M. i AMAROKA.

Саўндтрэк тэмы: N.R.M. - PRAMIEŃ Адкрыць / каментаваць

2021-11-02 13:10:10 У Мінску адкрылася яшчэ адна беларускамоўная кавярня — «Апостраф Кава». Працуе яна з панядзелка па пятніцу з 8:00 да 22:00, у суботу і нядзелю — з 9:00 да 22:00. Знаходзiцца па адрасе вуліца Алібегава, 28.

«Вырашыў: або будзе па-беларуску, або ніяк».

https://realt.onliner.by/2021/11/02/adkrylasya-belaruskamo%D1%9Enaya-kavyarnya Адкрыць / каментаваць

2021-11-01 16:20:46 Наша Бася ў падкасце «Трэба»:

Адкрыць / каментаваць

2021-10-29 15:02:01 У мінулым годзе «Арт Сядзіба» і KROK FILMS стварылі відэа-праект «Вечныя вершы», у якім нагадалі пра падзею, што засталася крывавай плямай у гісторыі Беларусі.
У відэа вершы трох рэпрэсаваных паэтаў – Алеся Дудара, Зямы Піваварава, Тодара Кляшторнага чыталі Ганна Севярынец, Віталь Рыжкоў і Уладзь Лянкевіч.

Нагадаем, што 84 гады таму ноч з 29 на 30 кастрычніка 1937 году стала «чорнай» у беларускай гісторыі. Беларусь страціла больш за 100 прадстаўнікоў інтэлектуальнай эліты – літаратары, дзяржаўныя дзеячы і навукоўцы. Падобнага не ведае гісторыя ніводнай іншай еўрапейскай краіны. Адкрыць / каментаваць

2021-10-29 15:00:01 ПРЭМ'ЕРА ПРАЕКТА «Вечныя вершы. Каханне». 16:00 на YouTube «Арт Сядзібы».

Пакуль чалавек жывы – ён марыць, кахае, плануе, незалежна ад месца і часу існавання. Было месца каханню і ў змрочныя 1930-я гады.

У відэапраекце «Арт Сядзібы» беларускія музыкі Iva Sativa, Мікіта Найдзёнаў і Яўген Змушка чытаюць вершы пра каханне расстраляных літаратараў Валера Маракова, Мойшэ Кульбака, Уладзіміра Хадыкі. Лёсы маладых людзей пераплятаюцца. Паэты ўжо не прачытаюць свае вершы і не скажуць тое трапяткое «кахаю». У нас жа яшчэ ёсць мары, надзеі, магчымасці. Памятайце, кахайце!

Далучыцца да ўшанавання можа кожны. Размяшчайце вершы рэпрэсаваных літаратараў пра каханне ў свае сацыяльныя сеткі пад хэштэгам #вечныявершыкахання Адкрыць / каментаваць

2021-10-26 14:28:04 ВЕЧНЫЯ ВЕРШЫ. КАХАННЕ:


29 кастрычніка на нашым youtube-канале

«Арт Сядзіба» напрыканцы кастрычніка традыцыйна ладзіць анлайн і афлайн падзеі, прысвечаныя ўгодкам страшных падзей ночы з 29 на 30 кастрычніка 1937-га года, калі Беларусь страціла каля сотні дзеячаў культуры, у тым ліку і многіх літаратараў.

«Вечныя вершы. Каханне». 2021 год. Алесь Сьнег чытае верш «Дахі. Палёты. Паэты».

Пакуль чалавек жывы – ён марыць, кахае, плануе, незалежна ад месца і часу існавання. Было месца каханню і ў змрочныя 1930-я гады. 29 кастрычніка ў відэапраекце «Арт Сядзібы» беларускія музыкі прачытаюць вершы пра каханне расстраляных літаратараў

Далучыцца зараз можа кожны. Размяшчайце вершы рэпрэсаваных літаратараў пра каханне ў свае сацыяльныя сеткі пад хэштэгамі #вечныявершыкахання #Ночпаэтаў Адкрыць / каментаваць

2021-10-26 11:22:45 27 кастрычніка "Петля пристрастия" выпускае новы альбом і пачынае вялікі тур. Беларускіх гарадоў у спісе па зразумелых прычынах няма.

Увесну 2020-га "Петля пристрастия" выступала ў студыі @euroradio у межах праекту "Бяспечны LIVE":

Адкрыць / каментаваць

2021-10-26 11:22:45 У мінулым годзе «Петля» была ў нашым праекце «Бяспечны live» Адкрыць / каментаваць

2021-10-25 17:46:19 Працягваем знаёміць вас з нашай гісторыяй #artsiadziba10hod

14 лютага 2012 года ў «Арт Сядзібе» ў Менску прайшла святочная вечарына. Анансаваныя праз суполкі сайту ў сацыяльных сетках віртуальныя анёлкі з'явіліся ў вобразе цалкам рэальных хлопцаў, хіба што з крылцамі. Анёлы зачытвалі дасланыя святочныя віншаванкі ды штрафавалі сур’ёзнымі пытаннямі пра каханне тых, хто прыпазніўся. Была выстава малюнкаў адмыслова з нагоды дня закаханых. Былі вершы ды смешныя гісторыі. Была Валерыя Кустава. Прагляд «Амэлі» ды спевы пад гітару.
Так пісаў сайт generation.by

Саўндтрэк тэмы: AMAROKA - Будзь шчаслівай Адкрыць / каментаваць

2021-10-22 14:00:34 Прэм'ера! Гурт SnopSnoŭ прэзентаваў міні-альбом "Nie lublu ludziej".

У склад увайшлі чатыры песні, адна з якіх, «Chałodnaje serca» выходзіла сінглам. Гэта песні пра стасункі між людзьмі, успаміны і ўплыў мінулага на свядомасць чалавека.

Слухаць на Spotify: https://open.spotify.com/album/6IaN4XK45pXwMFQ9CntQCF?si=uNXlB4jGScKie1v8KKPAeQ Адкрыць / каментаваць

2021-10-21 14:48:54 Пачынаем знаёміць вас з гісторыяй «Арт Сядзібы» #artsiadziba10hod

«24 снежня 2011 у памяшканні гандлёвага дома «Гарызонт» адкрылася «Арт Сядзіба» – шматфункцыянальная піва-фрэндлі прастора для творчых людзей. Новая кропка для канцэртаў, выставаў ды імпрэзаў мае прыцягнуць усіх, хто марыць пра свабодную творчасць і мастацтва без межаў» – так пісаў сайт @34magnet у 2011 годзе.

На адкрыцці выступілі Паліна Рэспубліка і паэт Антон Рудак.

Фота: Будзьма Адкрыць / каментаваць