adu.place

2023-04-12 15:46:00 ​ Як змянілася жыццё выпускнікоў і выпускніц Школы маладых рэфарматараў, якая аб’явіла пра новы набор?

Цэнтр новых ідэй (ЦНІ) аб’явіў пра набор на чарговую Школу маладых рэфарматараў. Некалькі выпускніц распавялі @aduplace, што змянілася ў іх жыцці пасля Школы:

Кацярына Васілёнак (ШМР-2022): падавалася на праграму, бо хацела развівацца, каб дапамагаць Беларусі. Цяпер піша артыкулы для Піцбургскага ўніверсітэта (ЗША), запрошаная ў Еўрапейскі парламент як адна з прадстаўніц беларускага студэнцтва, удзельнічала ў іншых праграмах ад ЦНІ — Кейс-клубе ды Акадэміі новай беларускай дыпламатыі.

Лера Чыж (ШМР-2020): Праз ШМР знайшла не толькі цікавых людзей з крутымі ідэямі, але і блізкіх сяброў, з якімі разам арэндуе кватэру і распрацоўвае новыя праекты. Зараз Лера арганізоўвае адукацыйныя лекцыі ў некамерцыйнай арганізацыі і стажыруецца ў Менскай урбаністычнай платформе, дзе займаецца даследваннямі.

Наста Бекарава (ШМР-2020): Да Школы паспела правесці сваё мерапрыемства, але ўсё адбывалася хаатычна. ШМР адкрыла Насце свет грамадскага сектара і супольнасці маладых рэфарматараў і рэфарматарак — цяпер яна займаецца праектамі ў некалькіх НКА, а мінулай восенню арганізавала адукацыйны анлайн-курс па ўрбаністыцы.

Школа маладых рэфарматараў і рэфарматарак — гэта месяц анлайн-навучання з экспертамі ды эксперткамі, якія дапамогуць вам атрымаць новыя скілы, каб рабіць краіну лепей. А напрыканцы ў якасці выпускнога праекта вы зладзіце афлайн-івэнт!

Калі і дзе: 19.04 — 27.05, анлайн

Як падацца: запоўніць гугл-форму і пазначыць матывацыю да ўдзелу ў Школе. Адзінае патрабаванне — быць ва ўзросце ад 18 да 30 гадоў і жадаць новых ведаў і досведу!

Дэдлайн: 15.04.2023

Яшчэ падрабязней пра Школу — на сайце праграмы Адкрыць / каментаваць

2023-04-08 13:29:17 Як стварыць персаналізаваную стужку кантэнту. Частка 1

Мы ведаем, як лёгка згубіцца ў тысячы крыніц інфармацыі на дзясятках розных платформаў. Хочам распавесці пра адно з рашэнняў гэтай праблемы — RSS. Гэта простая храналагічная стужка кантэнту з абсалютна розных крыніц. Дзякуючы ёй, вы маеце ўвесь кантэнт у адным месцы і не марнуеце час на ручную праверку кожнай крыніцы

Наш сябар Мікола даўно наладжвае сабе такую стужку праз сэрвіс Feedly, і разам з ім мы падрыхтавалі для вас гайд, як гэта зрабіць самім. Першая частка базавая — пра інтэрфэйс Feedly ды як дадаць сайты і YouTube-каналы ў стужку

Для зручнасці зрабілі артыкул на telegra.рh, чытайце па спасылцы

На наступным тыдні чакайце другую частку, дзе мы распавядзем, як бясплатна дадаваць у Feedly стужкі тэлеграм-каналаў, твітар-акаўнтаў і сайтаў, з якімі сэрвіс не працуе. А пакуль што адпачываем, усім добрых выходных!

Калі ёсць пытанні ці прапановы па тэме, пішыце @aduplace_bot, абмяркуем Адкрыць / каментаваць

2023-04-06 18:49:27 Адукацыя вяртаецца! Цяпер мы будзем звацца adu.рlace і ўсміхацца вам на аватарцы

Звярнулі ўвагу, што мы зноў публікуем адукацыйныя магчымасці? Гэта была падрыхтоўка — цяпер мы гатовыя аб’явіць, што вяртаемся! З новай камандай, лагатыпам, назвай і абноўленымі сацсеткамі. І гэта толькі пачатак!

Пакуль што мы актыўныя ў Telegram, Facebook і VK, дзе будзем публікаваць шмат якасных адукацыйных магчымасцяў і кантэнт для самаразвіцця. Далей вас чакаюць абноўленыя інстаграм і паштовая рассылка, а пазней — новы сайт. І гэта далёка не ўсё

Мы распавядзем вам усе падрабязнасці ў працэсе, а гэты пост хочам прысвяціць нашай ідэі.

Чаму мы гэта робім

Мы ўпэўненыя, што ў наш час кожны і кожная можа атрымаць сучасныя веды і досвед, развіць якія заўгодна скілы і вывучыць любую мову. Праграмаў і магчымасцяў для гэтага існуе незлічоная колькасць, але часам бывае цяжка знайсці штосьці менавіта пад сябе.

Мы хочам, каб маладыя беларусы і беларускі карысталіся гэтымі магчымасцямі, развіваліся, вандравалі, знаёміліся з крутымі людзьмі з усяго свету — і стваралі кам’юніці, дзяліліся досведам і парадамі з іншымі.

Наша мэта — дапамагчы вам знайсці магчымасці пад сябе, падрыхтаваць ідэальную заяўку, пракачаць веды і скілы і паглядзець на свет навокал, каб потым разам зрабіць Беларусь лепей. Мы будуем суполку аду-апантаных, бо калі навокал цябе свае людзі, жыць становіцца нашмат цікавей.

Ну што, прызнавайцеся, сумавалі па нас? Хутка ўбачымся зноў — новы пост ужо заўтра, а ў наступныя тыдні будзе яшчэ больш зваротаў ад каманды adu.рlace. Падпісвайцеся і распавядайце пра нас сябрам і сяброўкам, а па любых пытаннях пішыце @aduplace_bot Адкрыць / каментаваць

2023-04-06 18:49:22 Channel name was changed to «adu.place» Адкрыць / каментаваць

2023-04-06 18:49:13 Channel photo updated Адкрыць / каментаваць

2023-04-04 17:47:43 Стажыроўка на 9 месяцаў у Японіі

Вогненная адукацыйна-працоўная праграма ў Японіі! Падчас Awaji Youth Federation Fellowship вы будзеце навучацца ў сферах лідарства, праектнага менеджмэнту, бізнесу і маркетынгу. Больш за тое, вам на год дадуць персанальнага ментара, а падчас жыцця на выспе вы рэалізуеце свае праекты

Арганізатары пакрываюць усе выдаткі, акрамя падарожжа да Японіі ды з яе, і даюць штомесяцовую зарплату. Таксама вы атрымаеце зніжку на курсы японскай мовы

Калі і дзе: 9 месяцаў з верасня 2023, Авадзі, Японія

Што трэба:

— Ступень бакалаўра ці магістра

— Быць ва ўзросце паміж 24 і 30 гадамі

— Сертыфікат валодання ангельскай мовай

— Распрацаваная ідэя для праекта на выспе

Будзе плюсам: веданне японскай мовы, досвед удзелу ў AYF Global Community

Як падацца: зарэгістравацца на сайце, пасля чаго вы атрымаеце спасылку на форму для падачы заяўкі

Дэдлайн: 31.05.2023. Арганізатары разглядаюць заяўкі і да дэдлайну, таму чым раней падаяцеся, тым больш шанцаў прайсці ў наступны раўнд Адкрыць / каментаваць

2023-04-01 17:31:45 Летняя школа журналістыкі і сацыякультурных даследванняў у Нямеччыне

Пачаўся набор заявак на штогадовую летнюю школу ад Фонда Барыса Нямцова! Маладых медыйшчыкаў і медыйшчыц запрашаюць на два тыдні варкшопаў і нетворкінгу, каб развіваць журналісцкія навыкі, знаёміцца паміж сабой і далей запускаць медыяпраекты. У гэтым годзе на школе будуць абмяркоўваць, сярод іншага, журналісцкія раследванні і штучны інтэлект у медыя. Арганізатары пакрываюць усе выдаткі, мова камунікацыі — руская.

Калі і дзе: 16-29 ліпеня, Бохум, Нямеччына

Што трэба:

— Быць ва ўзросце 18+

— Вопыт у журналістыцы ці смежнай сферы (актывізм, даследванні і да т.п.) да трох гадоў, але гэта не абавязкова

— Канцэпт медыяпраекта

Як падацца: запоўніць анкету

Дэдлайн: 21.04.2023 у 23:59 CET

Перад падачай ўважліва чытайце патрабаванні да кандыдатаў і кандыдатак і іх канцэпцый праектаў Адкрыць / каментаваць

2023-03-25 20:06:48 Моладзевы саміт па лічбавай камунікацыі у Берліне

26-29 чэрвеня адбудзецца Berlin Youth Summit, галоўная тэма якога — лічбавая камунікацыя і новыя медыя. 70 удзельнікаў і ўдзельніц чакаюць экскурсія па горадзе, варкшопы па цэлым спісе тэмаў ды ідэяфон (ідэя + марафон)

Для ўдзелу трэба быць ва ўзросце 18-26 гадоў, ведаць ангельскую ды мець сувязь з тэмай лічбавай камунікацыі (напрыклад, быць блогерам ці журналістам, СММшчыкам і г.д.)

Як падацца: запоўніць заяўку на сайце. У ёй запытаюць пра вашу працу, сувязь з тэмамі саміта і як удзел дапаможа ў дасягненні доўгатэрміновых мэтаў

Дэдлайн: 15.04.2023, 23:59 CET

Усе падрабязнасці глядзіце на сайце праграмы. Звязацца з арганізатарамі і задаць пытанні можна праз спецыяльную форму Адкрыць / каментаваць

2023-03-23 17:05:00 12-дзённы моладзевы форум у Альпбаху (Аўстрыя)

European Forum Alpbach прымае заяўкі на стыпендыю для ўдзела ў форуме. Падацца могуць маладыя людзі (18-30 год) з усяго свету, а арганізатары пакрыюць усе выдаткі.

Праграма ўключае мноства семінараў і дыскусій, нэтворкінг і прастору для новых ідэяў, кантактаў і рэфлексій. У форума няма канкрэтнай спецыялізацыі па сферы, на ім збіраюць усіх — ад артыстаў і журналістак да праграмістак і дата-саентыстаў. Каб вы разумелі маштаб, у мінулым годзе на форум прыехалі 3 800 удзельнікаў з сотні краінаў, з іх 600 чалавек па стыпендыі!

Калі і дзе: 19 жніўня — 2 верасня, вёска Альпбах у Аўстрыі

Што трэба падрыхтаваць (усё на ангельскай мове):

1. Матывацыйны ліст
2. Рэзюмэ
3. Пацверджанне валодання ангельскай мовай (TOEFL / IELTS і іншыя)
4. Дыплом, ці дадатак да яго, або пацверджанне, што недзе працуеце

Як падацца: запоўніць форму на сайце форума. Вынікі вы атрымаеце да канца траўня.

Дэдлайн: 31.03.2023 (уключна)

Падрабязнасці глядзіце на сайце, а з пытаннямі можна звярнуцца да арганізатараў па пошце scholarships@alpbach.org Адкрыць / каментаваць

2023-03-22 18:43:53 Стыпендыя на год жыцця і вучобы ў Інданэзіі

Darmasiswa — праграма на год у Інданэзіі, якая дазваляе іншаземцам вывучаць мясцовую мову і культуру ў адным з універсітэтаў краіны. Дзяржава дае стыпендыю і дапамагае з адаптацыяй. Кандыдатам павінна быць 18-27 год. Мы аднойчы ўжо расказвалі пра досвед беларускі на гэтай праграме, зацаніце па спасылцы

Патрэбна шмат чаго падрыхтаваць (усё на ангельскай!), але яно таго варта:

1. Рэзюмэ
2. Медычны сэртыфікат (тут тлумачым, што за ён)
3. Пашпарт з тэрмінам дзеяння на як мінімум 1,5 гады з моманту падачы заяўкі
4. Рэкамендацыйны ліст з месца вучобы ці працы
5. Транскрыпт апошняй акадэмічнай даведкі (дыплома) і дадаткаў да яе
6. Сертыфікат аб веданні ангельскай мовы
7. Эсэ пра мэту вучобы ў Інданэзіі (максімум 500 слоў)
8. Відэа з матывацыяй падацца на праграму і як кандыдат ці кандыдатка будзе прасоўваць інданэзійскую культуру пасля вучобы (не больш за дзве хвіліны)

Як падацца: запоўніць заяўку на сайце. Далей вас чакае інтэрв’ю ў інданэзійскім пасольстве ў краіне, дзе вы жывяце, і рэзультаты адбору. Сама праграма пачнецца напрыканцы жніўня

Дэдлайн: 07.04.2023 (уключана)

Усе падрабязнасці: на сайце праграмы. З любымі пытаннямі можна звярнуцца да арганізатараў па пошце darmasiswa@kemdikbud.go.id. Калі вы хочаце паразмаўляць з выпускнікамі і выпускніцамі, напішыце нашаму боту, мы вас скантактуем Адкрыць / каментаваць